Алена Серада, ці проста Браніславаўна, у 52 гады пасля цяжкай хваробы вырашыла цалкам змяніць сваё жыццё – пайшла з нялюбай працы на заводзе і ў двары сваёй хаты на Палессі адкрыла кафэ, дзе ў печцы гатуе традыцыйныя беларускія стравы.
ЖЫЦЬ СВАЁ ЖЫЦЦЁ
– Жыць сваё жыццё так, як мне падабаецца, я пачала толькі ў 52 гады. Як гаворыцца, не было б шчасця, ды няшчасце дапамагло. Аднойчы ў час планавага медычнага агляду ў мяне знайшлі злаякасную пухліну і дыягнаставалі другую стадыю раку грудзей. Пасля аперацыі, працяглага лячэння і хіміятэрапіі я вярнулася на працу на кансервавы завод. Але працаваць на і так нялёгкай працы стала яшчэ цяжэй. Тады я спытала сама ў сябе: «А навошта ты туды ідзеш? Ты выбралася з хваробы – для чаго?» У той жа дзень я напісала заяву на звальненне.
ХАРЧЭЎНЯ
Паколькі я гатавала добра і шмат, мы з мужам палічылі, што можна паспрабаваць адкрыць харчэўню. Тады, тры гады назад, у двары сваёй сядзібы мы з мужам і адкрылі харчэўню «Палюшкі».
У харчэўні я хацела стварыць атмасферу вясковай хаты, дзе цёпла, утульна і куды хочацца вярнуцца, таму ў мяне шмат старых, у тым ліку і стагадовых, рэчаў. Усе яны ці зроблены рукамі некага з нашай сям’і, ці належалі доўгі час некаму з нашай сям’і. Усім гэтым карысталіся. Гэта сапраўдны скарб, які не мае цаны. У кожнай рэчы ёсць свая гісторыя. Ёсць сіта, якому паўтара стагоддзя, стагадовы цяжкі куфар, калаўрот, які дастаўся мне ад маёй свякрухі, ёй – ад яе свякрухі, а той – ад яе свякрухі. На сценах вісяць вышытыя рушнікі і кашулі.
«Палюшкі» працуюць па папярэдняй замове, гэта не той фармат кафэ, да якога шмат хто звык. Госці абіраюць дзень і ў прызначаны час прыязджаюць, а ўся ежа ўжо гатова і чакае іх у печцы. На жаль, чамусьці шмат хто думае, што нацыянальная беларуская кухня складаецца з бульбы, але на самой справе бульба ніколі не была асновай нашай ежы. Мы заўсёды былі «бацвіннікамі» і ўжывалі ў ежу шмат раслін: буракі, рэпу, моркву, лебяду, крапіву, а яшчэ елі зерне, грыбы, рыбу.
ЯК У МАЁЙ БАБУЛІ
Да мяне прыязджалі з Аўстраліі, Германіі, Мексікі, Ізраіля, Аўстрыі, Турцыі. Гэта і этнічныя беларусы, і іх замежныя сябры. Больш за адну кампанію ў дзень я не прымаю, будзе гэта два чалавекі ці дваццаць – мне важна, каб людзі нікуды не спяшаліся, можна хоць цэлы дзень сядзець у харчэўні. Або, напрыклад, паесці, пагуляць па Тураву, вярнуцца і паспаць на печцы. А чаму не? Калі вы прыязджалі да бабулі, яна ж вас не гнала. Гэтак і тут.
З усімі гасцямі я размаўляю – расказваю пра сваё жыццё, гісторыю нашай сям’і, традыцыі, з цікавасцю слухаю іх гісторіі. Бывала, мяне папросяць: «Згатуйце, калі ласка, піражкі, як у маёй бабулі!» Калі чалавек не помніць рэцэпта, я запісваю, як выглядала страва, з чаго рабілася, і спрабую паўтарыць. Шмат якія рэцэпты ведаю сама, нешта знаходжу ў старых кнігах, творах беларускай літаратуры.
Апроч кафэ, спраў хапае ў хаце і гародзе, таму кожны дзень не гатую. Магу, але не хачу, таму што можа наступіць тое, чаго вельмі баюся, – выгаранне. І ўсё ж маё хобі – гэта маё выратаванне. Зараз я шчаслівая, бо займаюся тым, што люблю.
Правила комментирования
Эти несложные правила помогут Вам получать удовольствие от общения на нашем сайте!
Для того, чтобы посещение нашего сайта и впредь оставалось для Вас приятным, просим неукоснительно соблюдать правила для комментариев:
Сообщение не должно содержать более 2500 знаков (с пробелами)
Языком общения на сайте АиФ является русский язык. В обсуждении Вы можете использовать другие языки, только если уверены, что читатели смогут Вас правильно понять.
В комментариях запрещаются выражения, содержащие ненормативную лексику, унижающие человеческое достоинство, разжигающие межнациональную рознь.
Запрещаются спам, а также реклама любых товаров и услуг, иных ресурсов, СМИ или событий, не относящихся к контексту обсуждения статьи.
Не приветствуются сообщения, не относящиеся к содержанию статьи или к контексту обсуждения.
Давайте будем уважать друг друга и сайт, на который Вы и другие читатели приходят пообщаться и высказать свои мысли. Администрация сайта оставляет за собой право удалять комментарии или часть комментариев, если они не соответствуют данным требованиям.
Редакция оставляет за собой право публикации отдельных комментариев в бумажной версии издания или в виде отдельной статьи на сайте www.aif.ru.
Если у Вас есть вопрос или предложение, отправьте сообщение для администрации сайта.
Закрыть