248

«Відэаролік за 6 дзён»: новы #ART_INCLUSION-інтэнсіў па сацыяльнай рэкламе

Гэты міні-курс – чарговы і выніковы ў рамках #ART_INCLUSION, праекта бясплатнай інклюзіўнай адукацыі ў крэатыўнай сферы ад Майстэрні сацыяльнага кіно. Інтэнсіў, які «выкрывае» ўсе тонкасці відэавытворчасці на практыцы, адбудзецца на працягу двух ужо блізкіх уікэндаў:

  • 14-16 чэрвеня: Канцэпцыя, сцэнар, КПП: крэатыў па брыфе ад замоўцаў.
  • 21-23 чэрвеня: Прадакшн як ён ёсць.

Трэнеры: рэкламіст і ювелір Ян Карпаў, кінарэжысёр Андрэй Палупанаў, гукарэжысёр Яўген Шанюк.

 

За гэтыя 6 дзён пры ментарскай падтрымцы вы навучыцеся:

  • працаваць па брыфе з кліентам – некамерцыйнай арганізацыяй – над задачай, якая робіць свет вымерна альбо невымерна лепш;
  • пісаць сцэнары відэаролікаў так, як гэта робяць прафесіяналы;
  • адрозніваць рэжысёрскі сцэнар, КПП, аператарскае і планаваць творчую працу па гэтых дакументах;
  • працаваць з гукам, акцёрамі і, вядома ж, камерай;
  • мантаваць відэа;
  • прэзентаваць выніковую працу заказчыку.

Нават самым спрактыкаваным у стварэнні відэа гэтыя два ўікэнды падораць мноства знаёмстваў з творчымі і натхнёнымі людзьмі Мінска. Месца правядзення будзе даступна для людзей з абмежаванымі магчымасцямі.

Каб далучыцца, неабходна падаць заяўку да 10 чэрвеня (23:59), запоўніўшы нескладаную анкету.

Больш падрабязная інфармацыя аб інтэнсіву – на сайце праекта #ART_INCLUSION.

Праект рэалізуецца пры падтрымцы Праграмы малых грантаў Амбасады ЗША ў Рэспубліцы Беларусь.

Оставить комментарий (0)

Также вам может быть интересно

Подписка в 2020 году



Топ 5 читаемых