739

Навукова-асветніцкая экспедыцыя «Дарога да святыняў» пачнецца 1 верасня

Навукова-асветніцкая экспедыцыя «Дарога да святыняў», якая з’яўляецца неад’емнай часткай Дня беларускага пісьменства, ў гэтым годзе пачнецца 1 верасня і пройдзе праз Баранавіцкі, Ганцавіцкі, Лунінецкі, Салігорскі, Уздзенскі раёны. Агульная працягласць маршруту 780 км.

Асноўнай тэмай усіх мерапрыемстваў, запланаваных падчас Экспедыцыі, стане «Дзень народнага адзінства».

Па словах кіраўніка Экспедыцыі Аляксандра Лапата-Загорскага, заўсёдны дэвіз экспедыцыі – выказванне Серафіма Раданежскага «Адзінствам і Любоўю ўратуемся» – асабліва актуальны сёлета, у Год народнага адзінства. Усталяванне згоды, узаемапаразумення і ўзаемапавагі – адна са стрыжнявых тэм выступленняў удзельнікаў на шматлікіх духоўна-асветніцкіх сустрэчах, якія праводзіліся на папярэдніх маршрутах і запланаваны ў раёнах, што будуць наведаны «Дарогай да Святыняў – 2021».

Пачнецца Экспедыцыя традыцыйным малебнам аб вандруючых ў Мінскім Свята-Духавым кафедральным саборы. На чале паломнікаў – незгасальная лампада з Благадатным агнём ад Гроба Гасподняга і цудатворная Загор'е-Сталавіцкая ікона Пакрова Прасвятой Багародзіцы.

Падчас вандроўкі ўдзельнікі Экспедыцыі – святары праваслаўнай царквы, вядомыя дзеячы навукі, культуры, мастацтва наведаюць бальніцы і адукацыйныя ўстановы, дзіцячыя дамы і інтэрнаты для пажылых людзей.

Добрай традыцыяй «Дарогі да Святыняў» з'яўляецца пасадка дрэў у месцах наведвання з сімвалічнай назвай – Сад Малітвы, які закліканы быць успамінам аб сустрэчы.

Завяршыцца Экспедыцыя 5 верасня у Капыле – сталіцы Дня беларускага пісьменства святочнай службай у храме Узнясення Гасподня, перадачай Благадатнага Агню на свечкi прыхаджан, сустрэчамі ўдзельнікаў Экспедыцыі з жыхарамі Капыля.

письменность афиша
 
Оставить комментарий (0)

Также вам может быть интересно