30 жніўня стартавала навукова-асветніцкая экспедыцыя «Дарога да святыняў»

30 жніўня стартавала навукова-асветніцкая экспедыцыя «Дарога да святыняў», з якой пачынаецца святкаванне Дня беларускага пісьменства, iнфармуе Мининформ Беларуси.

Мітрапаліт Мінскі і Заслаўскі,  Патрыяршы Экзарх усяе Беларусі Веніямін прывітаў яе удзельнікаў.

Новость по теме

Юбилейный день белорусской письменности пройдет в Городке

«З пачуццём вялікай духоўнай радасці мы сабраліся ў Свята-Духавым кафедральным саборы, каб у сумеснай малітве падзякаваць Бога за ўсе Яго дабрадзействы за 30 гадоў плённай працы і папрасіць Божай дапамогі ў новым асветніцкім падарожжы», – паведаміў Мітрапаліт Мінскі і Заслаўскі, Патрыяршы Экзарх усяе Беларусі Веніямін.

«Неабходна падкрэсліць, што навукова-асветніцкая экспедыцыя «Дарога да святыняў» стала яскравым прыкладам цеснага дзяржаўна-царкоўнага супрацоўніцтва ў Беларусі. Гэта ўнікальная падзея, якая адбываецца на скрыжаванні навукі, культуры і рэлігіі, сведчыць аб удалых кроках у далучэнні нашага народу да сваёй духоўнай і культурнай спадчыны», – таксама адзначыў Мітрапаліт.

Новость по теме

Бузовский: День белорусской письменности получил поддержку у молодёжи

Удзельнікі навукова-асветніцкай экспедыцыi «Дарога да святыняў» пройдуць шлях у 1340 кіламетраў па тэрыторыі Брэсцкай, Мінскай і Віцебскай абласцей праз Пінскую, Мінскую, Барысаўскую, Полацкую і Віцебскую епархіі. Па традыцыі паломнікі праводзяць сустрэчы з жыхарамі мясцін, дзе прыпыняюцца, наведваюць бальніцы і дзіцячыя дамы, цэрквы і манастыры.

Нагадаем, што XX Дзень беларускага пісьменства пройдзе 2–3 верасня 2023 года ў г.Гарадок Віцебскай вобласці.

З праграмай мерапрыемстваў можна азнаёміцца на сайце Мінінфарма.