758

Канцэрт з серыі #МалітвыБеларусі пройдзе 10 кастрычніка ў Чырвоным касцёле

10 кастрычніка а 13.30 ў Чырвоным касцёле імя св. Сымона і св. Алены ў Мінску Цэнтр культурных ініцыятыў “Артс КіТ” і MuzzicDom прадстаўляюць канцэрт з серыі #МалітвыБеларусі - Stabat Mater, прысвечаны жанчыне-маці.

У праграме прагучаць наступныя творы: Дж. Б. Пергалезі “Stabat Mater”; В. Казлоўскі, п’есы “Salve Regina” і “Эсфір”; Ананімны аўтар XVIII ст.“Планкты”.

Выканаўцы: салісты Кацярына Міхнавец (мецца-сапрана) і Алена Шэўчык (сапрана); ансамбль салістаў "Парціта" сумесна з MuzzicDom Orchestra. Дырыжор — Аляксей Фралоў.

Першыя канцэрты з серыі #МалітвыБеларусі — “Lux Aeterna” і “Рэквіем” В.А.Моцарта, — якія адбыліся ў верасні 2020 года, паказалі, што такія імпрэзы вельмі запратабаваныя часам і сапраўды спрыяюць аб’яднанню жыхароў нашай роднай Беларусі малітвай і высокім мастацтвам.

Нажмите для увеличения
Нажмите для увеличения Фото: Фото из открытых источников

 

Мінімальны кошт квітка — 10 рублёў, але вы можаце зрабіць данацыю і больш. Кошт квітка не залежыць ад месца, якое вы зоймеце (свабодная рассадка), а толькі ад вашага жадання і магчымасцяў падтрымаць Чырвоны касцёл і дзеячаў культуры. 

Дзіцячы квіток — 5 рублёў.

Прыбытак ад канцэртаў накіроўваецца ў падтрымку Чырвонага касцёла і беларускіх дзеячаў культуры.

Колькасць месцаў абмежаваная, таму паклапаціцеся, калі ласка, аб квітках загадзя.

Таксама арганізатары звяртаюць увагу на неабходнасць прытрымлівацца правілаў эпідэміялагічнай бяспекі і пераканаўча просяць пры наяўнасці любых сімптомаў прастудных захворванняў устрымацца ад наведвання імпрэзы.

Наступны канцэрт адбудецца:

17 кастрычніка 2020, 20.15  — Канцэрт духоўнай музыкі “Новы час”

 

Оставить комментарий (0)

Также вам может быть интересно